បង្ក្រាប និងឃាត់ខ្លួនជនសង្ស័យប្រុសស្រី២នាក់ បញ្ជូន​ទៅ​តុលាការ ជាប់ពាក់ព័ន្ធករណីគ្រឿងញៀន ក្នុងភូមិសាស្ត្រក្រុងឧដុង្គម៉ែជ័យ

កំពង់ស្ពឺ៖ដោយ​អនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កាលពីវេលាម៉ោង១៤:១៥នាទី នាថ្ងៃទី០៩ ខែមេសា ឆ្នាំ២០២៦ កម្លាំងមន្ទីស្រាវជ្រាវ និងបង្រ្កាបបទល្មើស សហការជាមួយកម្លាំងមូលដ្ឋានកងរាជអាវុធហត្ថក្រុងឧដុងម៉ែជ័យ ដឹកនាំដោយ​ លោកវរសេនីយ៍ត្រី សេង រ៉ាម៉ូវ បានធ្វើការបង្រ្កាប​និង​ឃាត់ខ្លួនជនសង្ស័យប្រុសស្រី០២ ជាប់ពាក់ព័ន្ធករណីគ្រឿងញៀន ស្ថិតនៅចំណុចផ្លូវជាតិលេង៥១ គីឡូម៉ែត្រលេខ១ ក្នុងភូមិចំការហ្លួង សង្កាត់វាំងចាស់ ក្រុងឧដុង្គម៉ែជ័យ ខេត្តកំពង់ស្ពឺ។

ជនសង្ស័យ​ទី១មានឈ្មោះ ប៊ូ ម៉ារ៉ាឌី ភេទប្រុស អាយុ៣០ឆ្នាំ មុខរបរកម្មករដឹកអីវ៉ាន់ចិន មានទីលំនៅបច្ចុប្បន្នភូមិអូការ៉ុង សង្កាត់វាំងចាស់ ក្រុងឧដុង្គម៉ែជ័យ ខេត្តកំពង់ស្ពឺ​ និងទី២មានឈ្មោះ ប៊ន ចាន់ណាវី ភេទស្រី អាយុ៣៦ឆ្នាំ មុខរបរកម្មករសំណង់ រស់នៅភូមិលង្វែក ឃុំកំពង់លួង ស្រុកពញាឮ ខេត្តកណ្ដាល។

កម្លាំង​ជំនាញ​អាវុធហត្ថ​ចាប់យកវត្ថុតាងបានរួមមាន៖ម្សៅក្រាមសថ្លាសង្ស័យជាសាធាតុញៀនចំនួន០២កញ្ចប់(ទម្ងន់០.៦១ក្រាម),ម៉ូតូចំនួន០២គ្រឿង(១ម៉ាកស្មាក់រ៉េវ៉ូ ពណ៌ក្រហមលាយខ្មៅ ផ្លាកលេខ កណ្ដាល1E.4541 និងម៉ាកសុីហ្សែតអាយ ពណ៌ខ្មៅ ផ្លាកលេខ ភ្នំពេញ1LZ.9213),ទូរសព្ទ័ចំនួន០២គ្រឿង​​ និងសម្ភារៈប្រេីប្រាស់មួយចំនួន។

បច្ចុប្បន្នជនសង្ស័យខាងលើ រួមនិងវត្ថុតាងត្រូវបានកម្លាំងជំនាញការិយាល័យប្រឆាំង‌‎គ្រឿងញៀន ក្នុងមន្ទីរស្រាវជ្រាវ​និងបង្រ្កាបបទល្មើស​​ នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ កសាងសំណុំរឿងបញ្ជូទៅ​សាលាដំបូងខេត្តកំពង់ស្ពឺដើម្បីចាត់ការតាមនីតិវិធី៕
​