ចាប់បានឡានដឹកឈើ មួយគ្រឿង (ពី ព្រះវិហា ទៅកំពង់ធំ) សមត្ថកិច្ច អរគុណ លោក តាន់ គីមសួរ…!

ខេត្តព្រះវិហារ៖ កិច្ចប្រតិបត្តិការបង្ក្រាបបទល្មើសធនធានធម្មជាតិនៅតែបន្តធ្វើឡើងយ៉ាងសកម្ម! ក្រោមការសហការយ៉ាងស្អិតរមួត រវាងមន្ត្រីឧទ្យានុរក្សនៃដែនជម្រកសត្វព្រៃ ព្រៃ​ទ្បង់-បឹងពែរ និងលោក តាន់ គីមសួរ។

បន្ទាប់ពីទទួលបានការរាយការណ៍​ពី លោក តាន់ គីមសួរ ភ្លាម លោកប្រធានមន្ទីរបរិស្ថានខេត្តព្រះវិហារ បានស្នើសុំគោលការណ៍ពី ឯកឧត្តម អភិបាលខេត្ត ស្នើកំលាំងអន្តរគមន៍ពី កងរាជអាវុធហត្ថ និងកម្លាំងជំនាញបរិស្ថានបានធ្វើការដេញស្ទាក់ និងឃាត់ចាប់បានរថយន្តម៉ាក សាំយ៉ុង ចំនួន ១គ្រឿង ដែលបានលួចដឹកជញ្ជូនឈើពេញប្រៀប ចេញពីភូមិសាស្ត្រខេត្តព្រះវិហារ ឆ្ពោះទៅកាន់ខេត្តកំពង់ធំ។

​ ទីតាំងបង្ក្រាប៖ ស្ថិតនៅចំណុចឃុំរមទម ស្រុករវៀង ខេត្តព្រះវិហារ។

​បច្ចុប្បន្ន មន្ត្រីជំនាញកំពុងរៀបចំបញ្ជូនវត្ថុតាងទៅរក្សាទុកនៅស្នាក់ការ ដើម្បីបន្តនីតិវិធីស្រាវជ្រាវ និងកសាងសំណុំរឿងចាត់ការតាមច្បាប់ចំពោះបុគ្គលដែលពាក់ព័ន្ធទាំងអស់។

សូមអរគុណ លោក តាន់ គីមសួរ ដែលបានផ្តល់ព័ត៌មានជូន សមត្ថកិច្ចជំនាញ ចំពោះបទល្មើសធនធានធម្មជាតិ។