សារព័ត៌មាន ចុះផ្សាយ អាជ្ញាធរ និង សមត្ថកិច្ច ចុះដល់មែន ហើយបញ្ជាក់ថា​ ពុំមានបុគ្គលិក​ និងភ្ញៀវចូលលេងនោះទេ​ និងបានពិនិត្យ មាន​ទូបាញ់ហ្គេម​ និងតុ សម្រាប់លេងល្បែងសុីសង ខុសច្បាប់ មួយចំនួន​…!

ភ្នំពេញ៖ អនុវត្តតាមបទបញ្ជាផ្ទាល់ពី ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញនិងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ នាព្រឹកថ្ងៃទី៤ខែវិច្ឆកា ឆ្នាំ២០២៦​ បន្ទាប់ពីមានសារព៌ត័មាន ធ្វើការផ្សព្វផ្សាយតាមបណ្ដាញសង្គមអំពីល្បែងសុីសងខុសច្បាប់​ ស្ថិតនៅផ្លូវ១១៣K​ ភូមិក្បាលដំរី២​ សង្កាត់កាកាបទី២​ ខណ្ឌពោធិ៍សែនជ័យ​ រាជធានីភ្នំពេញ​ កម្លាំងគណៈបញ្ជាការឯកភាពរដ្ឋបាលខណ្ឌពោធិ៍សែនជ័យ ដោយមាន​ការសម្របសម្រួលនីតិវិធីពីលោក​ស្រី ភី សុីថន ព្រះរាជអាជ្ញារង​នៃអយ្យការ អមសាលាដំបូងរាជធានីភ្នំពេញ​ បានចុះត្រួតពិនិត្យទីតាំងសង្ស័យបើកលួចលាក់លេងល្បែងសុីសងខុសច្បាប់​ ​ស្ថិតនៅចំណុចខាងលើ ។ ខណៈដែលកម្លាំងអាជ្ញាធរ សមត្ថកិច្ច ចុះដល់ទីតាំងខាង​លេី​ គឺពុំមានបុគ្គលិក​ និងភ្ញៀវចូលលេងនោះទេ​ និងបានពិនិយ្យមាន​ទូបាញ់ហ្គេម​ និងតុ សម្រាប់លេងល្បែងសុីសងខុសច្បាប់មួយចំនួន​ ។

ក្រោយត្រួតពិនិត្យរួចហើយ កម្លាំងអាជ្ញាធរ សមត្ថកិច្ចបានធ្វើកំណត់ហេតុ សម្រេចបិទឃ្លុំទីតាំងខាងលើដើម្បីបន្តនីតិវិធី៕